Ugram Veeram Mahavishnuum Jwalanthum Sarvathoo Mugham I
Nrisimham Bheeshannam Bhadhram Mrityumrityum Namaamyaham II
చిత్తగించు మా మాటలు శ్రీ నరసింహా
అన్నమయ్య కీర్తన
చిత్తగించు మా మాటలు శ్రీ నరసింహా
చిత్తజ జనక వో శ్రీనరసింహా
చెలరేగి వున్నాడవు శ్రీనరసింహా - నీకు
జెలులెల్లా మొక్కేరు శ్రీనరసింహా
సెలవుల నవ్వేవిట్టే శ్రీనరసింహా - నీకే
సెలవు మావలపులు శ్రీనరసింహా
చిందీని మై చెమటలు శ్రీనరసింహా - నిన్ను
జెందినది కడు జాణ శ్రీనరసింహా
చెందమ్మి రేకుల గోళ్ళ శ్రీనరసింహా - నీపై
చిందులెల్లా పాడేము శ్రీనరసింహా
సిరినెరకాగిటి శ్రీనరసింహా - మంచి
సిరుల నహోబలము శ్రీనరసింహా
శిరసెత్తు శ్రీవేంకట శ్రీనరసింహా
చెరలాటాలికనేల శ్రీనరసింహా
