వినాయక పూజలో పత్రి వల్ల ఆరోగ్య ఉపయోగాలు

వినాయక చవితి నందు పూజలో ఉపయోగించు మూలికల విశేషాలు - సంపూర్ణ వివరణ .

ప్రాణులకు వర్షఋతువులో ఎక్కువ రోగాలు వస్తాయి. కనుక పరిసరాల్లో దొరికే ఎక్కువ మూలికలు వినాయకుని పూజలో ఉపయోగిస్తాము. ఇది మన పూర్వీకుల ముందు చూపు. ఇప్పుడు మీకు ఆయా మూలికల ఉపయోగాలు సంపూర్ణంగా వివరిస్తాను.

మాచిపత్రి -

దీని ఆకులు , కొమ్మలు మంచి సువాసన కలిగి ఉండును. స్త్రీలు జడలలో ధరిస్తారు. ఇది వేడిచేయు స్వభావం కలిగి ఉండును. దీని నూనెని తీసుకున్న యెడల అన్నము బాగుగా జీర్ణం అగును. ఆకలి పుట్టించును . మనోవైకల్యము , అలసట నివారించును.

పెద్ద ములక -

దగ్గు , ఆయాసములను తగ్గించును . ఆకలిని పుట్టించును . మూత్రమును జారీ అగునట్లు చేయును . కండరములుకు పుష్టిని ఇచ్చును . వీర్యవృద్ధిని , పుష్టిని ఇచ్చును . పెద్దములక వేసి కాచిన ఆముదం తాగించిన గృదసీవాతం తగ్గును . నేల ములక వేరు రసం , తేనె కలిపి సేవించిన దగ్గు తగ్గును.

* మారేడు -

ఈ చెట్టు అన్ని భాగాలు ఔషధాలుగా ఉపయోగపడును . దీని కాయలలోని గుజ్జు అతిసారరోగము అనగా డయేరియాని తగ్గించుటలో ఉపయోగపడును. విషాన్ని హరించుటకు కూడా ఉపయోగపడును. దీని ఆకుల రసం మధుమేహవ్యాధి నివారణలో ఉపయోగపడును. మారేడు గుజ్జు కాంజికములో నానబెట్టి సేవించవలెను . జఠరాగ్ని వృద్దిపొందించును . మొలలనొప్పితో బాధపడువారు మారేడు వేరు పైన పట్ట ( బెరడు ) చితగ్గొట్టి నీటిలో వేసి కషాయం కాచి ఆ కషాయం ఒక పెద్ద వెడల్పాటి పళ్లెము నందు పోసి మొలల ప్రాంతం తగులునట్లు రోగిని అందులో కుర్చోపెట్టవలెను దీనివల్ల మొలల నొప్పి నివారణ అగును.

* గరిక -

ఈ జాతి మొక్క ఎక్కువుగా మొండిజాతి కలుపు మొక్కగా పేరుపొందింది. ఇది మంచి క్రిమిసంహారిణి . అంటురోగాల నుండి కాపాడును . చర్మరోగాలు నివారణలో ఉపయోగపడును. రక్తపిత్తరోగం అనగా ముక్కు , నోరు మొదలగు రంధ్రాల నుండి రక్తం బయటకి వచ్చు సమస్య నివారణ అగును. గజ్జి , ఎగ్జీమా వంటి చర్మవ్యాధుల్లో ఇది ఉపయోగకారి . దీని రసం వాంతులు , విరేచనములు తగ్గించును . రక్తము కారు గాయాలకు దీని రసము ఉపయోగిస్తారు . దీని వేర్ల కషాయం గనేరియా వ్యాధిలో పై పూతకు వాడతారు .

* నల్ల ఉమ్మెత్త -

ఇది ఉపవిషములలో చేరినది . తేలు మొదలగు విషజంతువుల విషానికి విరుగుడుగా పనిచేయును . దీని విత్తనాలు మత్తును కలిగించును. దీని ఆకుల నుండి ఉబ్బసం , కోరింతదగ్గు మొదలగు వ్యాధులను నయం చేయుటకు వాడతారు. కీళ్లనొప్పుల నివారణకు దీని ఆకుతో కాపడం పెడతారు . పాదరస శుద్ధిలో దీని ఆకును కూడా ఉపయోగిస్తారు. ఇది విషద్రవ్యం శుద్ది చేయకుండా , అనుభవం లేనిదే వాడరాదు.

* రేగు -

ఈ వృక్షాలు భారతదేశం అంతటా లభ్యం అగును. హిమాలయాల్లో బదరీనాధ్ క్షేత్రం నందు ఈ వృక్షాల యొక్క వనం ఉండటం చేత ఈ క్షేత్రానికి బదరీ ( రేగు ) నాధ్ అని పేరు వచ్చింది. ఇది గొప్ప ఔషధ గుణములు కలిగి ఉన్నది . పిల్లలకు వచ్చు పూతనారోగము ( గృద భాగము పేలినట్లు అయ్యి వ్రణాలు ఏర్పడుట ) యందు రేగుచెక్క కషాయముతో ఆసనం శుద్ది చేయాలి . మొలల సమస్య ఉన్నవారు రేగుచెక్క కషాయములో కూర్చుండబెట్టాలి.వాతనొప్పులకు మునగచెక్క , రేగుచెక్కలను పులికడుగు ( బియ్యం కలిపిన నీళ్లను 2 రోజులపాటు నిలువ ఉంచినది ) కలిపి నూరి నొప్పుల భాగమున పట్టువేయవలెను . మూత్రములో రాళ్లు కరుగుటకు రేగు వేరు కషాయం నందు రేగు బెరడు చూర్ణం కలిపి తాగవలెను . రేగు వేరు పైన బెరడు మేకపాలతో కలిపి నూరి పూసిన మంగు తగ్గును.

* ఉత్తరేణి -

దీనివేరుతో పళ్లు తోముకున్న దంతరోగాలు పోవును . దీని విత్తనాల చూర్ణం నశ్యముగా ముక్కులోకి పీల్చిన ముక్కు నుండి చీముకారుట తగ్గును. దీని ఆకుల రసం , దిరిసెన ఆకురసం కలిపి తాగించిన క్రిములు నశించును. తేనెటీగలు కుట్టినచోట దీని ఆకురసం పూయవలెను .

* తులసి -

చిన్నపిల్లలో వచ్చు కఠినమైన దగ్గులకు ఇది అద్బుతముగా పనిచేయును . తేలు కుట్టినచోట తులసివేరుని పైనుంచి క్రిందికి పలుమార్లు తిప్పిన విషం దిగును . వాతవ్యాధుల వలన దెబ్బతిన్న అవయవాలకు తులసిరసము పూసిన ఫలితం కనిపించును. ఆకురసం తలకు పట్టించి కొంచంసేపటి తరువాత తలస్నానం చేసిన పేలు చచ్చిపడిపోవును

* మామిడి -

మామిడి చిగుళ్ల రసమును తేనెతో కలిపి తీసుకున్న పైత్యం హరించును . అతిసారమునకు చెట్టు బెరడులోని కండ నుండి రసం తీసి తాగించవలెను . మాంసం తినిన అది అరగనపుడు మామిడి టెంక రసము తాగవలెను . చేపలకూర జీర్ణం కానప్పుడు మామిడికాయ రసం తాగవలెను . మామిడి చెట్టు నుండి కారు జిగురు కాలిపగుళ్ళకు పూసిన కాలిపగుళ్లు తగ్గును. కంట వ్యాదులు అనగా డిప్తీరియా సమస్య నందు ఈ పండ్ల రసం పనిచేయును . దీని ఆకుల కషాయంలో తేనె కలిపి సేవించిన గొంతు పూడుకుపోయే సమస్య నివారణ అగును.

* గన్నేరు -

దీని పువ్వులు వివిధ రంగుల్లో పూస్తాయి. దీని బెరడు గుండెజబ్బులకు , మూత్రవ్యాధుల్లో ఉపయోగిస్తారు . దీని వేరు అరగదీసి వచ్చిన గంధమును చర్మవ్యాదులలో , కుష్టు మొదలగు వాటికి పూస్తారు . చిత్రమూలం , గన్నేరు కలిపి దంచి గడ్డలపైన లేపనం చేసిన పక్వానికి వచ్చి గడ్డలు పగులును.

* రత్నపురుష -

దీని సర్వాంగములు కషాయం కాచి వాడిన ఙ్ఞాపకశక్తి పెరుగును . జ్వరం తగ్గించును . నరాల బలహీనత తగ్గించును . క్రిములను హరించునదిగా పనిచేయును . వ్రణములను హరించును .

* దానిమ్మ -

ముక్కు నుంచి రక్తం కారుచున్న దానిమ్మ పువ్వు రసం ముక్కులో పిండిన రక్తం కారటం ఆగును. విరేచనాలలో రక్తం పడుచున్న దానిమ్మ చెక్క , కొడిశ విత్తనాల కషాయం తేనేతో కలిపి తాగవలెను . నోరు రుచి తెలియని సమస్య యందు దానిమ్మ పండ్ల రసము నందు తేనె కలిపి తాగిన నోటికి రుచి తెలియును . నోటి నుంచి రక్తం పడుచున్న దానిమ్మ బెరడు చూర్ణం నందు పంచదార కలిపి సేవించవలెను . దానిమ్మ వేఱు కషాయం క్రిములను చంపును.

* దేవదారు -

దీని ఆకు క్రిమి సంహారముగా పనిచేయును . దీని బెరడు జ్వరములను , విరేచనాలను కట్టును .

* మరువము -

ఇది సుగంధద్రవ్యపు మొక్క . దీని ఆకులు కీళ్లనొప్పి తగ్గించుటకు ఉపయోగపడును. ఇది ఉష్ణం చేయు స్వభావం కలిగినది . వాతమును , కఫమును హరించును . తేలు , జర్రి వంటి కీటకాల విషాన్ని హరించును . విషజ్వరాలను హరించును . హుద్రోగము , శ్వాస , శోషరోగము హరించును .దీనిని పసుపుతో కలిపి పైపూతగా వాడిన గజ్జి , చిడుము వంటి చర్మరోగాలు నయం అగును.

* వావిలి -

వావిలి వేరును నేతిలో నూరి గుడ్డలో వేసి రసము తీసి ఆ రసమును ముక్కులో పిండిన గండమాలలు తగ్గును. వావిలాకు వేసి కాచిన నీటిలో స్నానం చేయించిన ప్రసవానంతరం స్త్రీకి కలిగిన ఒళ్ళు నొప్పులు తగ్గును. చెవిలో చీముకారుతున్న వావిలాకు రసము , సైన్ధవ లవణము , బెల్లము తో తయారయిన నూనెని చెవిలో వేసిన చెవిలో కారు చీము తగ్గును. పొట్లపాము , కట్లపురుగు కరిచిన వావిలి వేరు నీటితో నూరి తాగించిన విషము హరించును .

* జాజి పత్రం -

చెవిలో నుంచి చీము కారుతున్నచో జాజి పువ్వుల ఆకులు నూరి కొంచం వెచ్చచేసి చెవిలో 4 నుంచి 5 చుక్కలు పిండిన చీముకారుట ఆగిపోయి చెవిలో కురుపు నయం అగును. స్త్రీలలో ఋతుచక్రం సరిగ్గా లేనపుడు దీని పువ్వులు మెత్తగా నూరి "కలి " తో కలిపి తాగించవలెను .

* కామంచి -

దీని ఆకు ముద్దగా నూరి కుష్ఠురోగపు మచ్చలపై వేసి కట్టిన మచ్చలు నయం అగును. ఉబ్బు రోగము నందు దీని ఆకును కూరగా వండిపెట్టవలెను . ఉరుస్తంభ ( తొడలు పట్టుకుపోయే సమస్య ) రోగము నందు దీని ఆకును నీళ్లతో ఉడికించి నూనెతో వేయించి తినవలెను . ఎలుక విషమునకు దీని ఆకురసం పైకి రాసి లోపలికి తాగుటకు ఇవ్వవలెను . దీని ఆకురసము చెవిలో చుక్కలుగా వేసిన చీము , నొప్పి తగ్గును.

* జమ్మి -

దీనిని భస్మప్రక్రియలలో వాడతారు . దంతములు సులభముగ ఊడతీయుటకు దీని రసం 5 చుక్కలు వేసిన నొప్పి తగ్గి సులభముగా ఉడును .

* రావి -

స్త్రీ , పురుషుల్లో సంతానోత్పత్తికి అద్బుతముగా పనిచేయును . దీని ఆకులు , పండ్లు , బెరడు అన్ని కూడా జీర్ణశక్తిని పెంపొందించుటకు ఉపయోగపడును . చర్మవ్యాధులకు , సుఖవ్యాధులలో మంచీగా పనిచేయును . దీని పాలు పాదాల పగుళ్ళకు , చర్మపు పగుళ్లకు బాగుగా పనిచేయును .

* తెల్ల మద్ది -

దీని బెరడు గుండె జబ్బులలో పనిచేయును . రక్తపిత్త రోగము నందు దీని కషాయం వాడవచ్చు . వ్రణములపైన దీని ఆకులు వేసి కట్టు కట్టిన త్వరగా మానును . క్షయ దగ్గు నందు మద్ది బెరడు చూర్ణం , అడ్డసరపు ఆకు , తేనె కలిపి తీసికొనవలెను .

* జిల్లేడు -

వాతమును హరించు ముఖ్య ద్రవ్యములలో ఇది ఒకటి ప్రబలమగు క్రిమిరోగములను , దుష్టవ్రణములను , శ్వాస , కాసలను హరించును . అండవృద్ధి సమస్యకు జిల్లేడు వేరు పైపొట్టు " కలి" తో నూరి పూతగా రాసిన అండవృద్ధి నయం అగును. బోదకాలుకు కూడా ఇదేవిధముగా చేయవలెను . చర్మరోగాలకు జిల్లేడు ఆకు రసము , ఆవనూనె , పసుపు కలిపి రాయవలెను . తేలు కుట్టిన ప్రదేశములో జిల్లేడు ఆకు మెత్తగా నూరి కట్టి గుగ్గిలం పొగవేసిన విషము విరుగును. చెంప వాపులకు జిల్లేడు ఆకు పైన ఆముదము రాసి వేడి చూపించి ఆ ఆకును వాపులపైన అణిచిపెట్టి కట్టిన వాపులు తగ్గును.

పైన చెప్పిన 21 రకాల మూలికలు వినాయక చవితి నాడు పుజ యందు ఉపయోగించు అత్యంత ప్రధాన మూలికలు . వీటిని బాగుగా గమనించిన వర్షాకాలం నందు వచ్చు వ్యాధులలో ఉపయోగించ తగిన మూలికలుగా గమనించవచ్చు . మన పూర్వీకుల జ్ఞానానికి , ముందుచూపుకు మనం కృతజ్ఞత చెప్పవలసిన అవసరం ఎంతైనా ఉన్నది.

ఈ మూలికలతో మరెన్నొ గొప్పగొప్ప ఆయుర్వేద యోగాలు కలవు . వాటన్నింటిని ఈ పోస్టు నందు వివరించటం సాధ్యం కాదు కారణం పోస్టు పెద్దగా అవ్వడం మూలాన వీటికి సంబంధించిన సంపూర్ణ సమాచారం నా గ్రంథాలలో ఇవ్వడం జరిగినది.

గమనిక -

నాచే రచించబడిన "ఆయుర్వేద మూలికా రహస్యాలు " , " ప్రాచీన ఆయుర్వేద రహస్యాలు " అను ఈ రెండు గ్రంథముల యందు అత్యంత రహస్యమైన సులభముగా ఇంటి యందు , చుట్టుపక్కల దొరికే మూలికలతోనే పెద్దపెద్ద రోగాలను నయం చేసుకొనే విధముగా అనేక వైద్య యోగాలను ఇచ్చాను. ఈ గ్రంథాలలో ఇచ్చినటువంటి యోగాలు అన్నియు గత 250 సంవత్సరాల నుంచి వంశపారంపర్యముగా మాకు వస్తున్న రహస్యయోగాలు పరోపకారార్థం దాచుకోకుండా ప్రచురించాను.

మన చుట్టుపక్కల ఉండే మొక్కలను సులభముగా గుర్తించుటకు రంగుల బొమ్మలతో మొక్కల చిత్రపటాలు ఇవ్వడం జరిగింది.

రైతులకు ఉపయోగపడేవిధముగా చెట్లను , భూమిని బట్టి , రాళ్లని బట్టి భూమి యందు జలమును కనుగొను విధానం , ముహూర్తాలను అనుసరించి ఏయే సమయాలలో పంటలు వేయాలి . ఆయుర్వేద మూలికల సహాయముతో పురుగు మందులు వాడకుండా అత్యంత ఎక్కువ దిగుబడులు సాధించే రహస్య వృక్షయుర్వేద యోగాలు , పశువులకు సంబంధించిన వైద్య యోగాలు కూడా ఇవ్వడం జరిగింది . ఈ గ్రంథాలలో ఇచ్చిన యోగాలు ఉపయోగించటం వలన ఎటువంటి వ్యతిరేక ఫలితాలు రావు.

ప్రాచీన ఆయుర్వేద రహస్యాలు గ్రంథం 288 పేజీలు ఉంటుంది . విలువ 350 రూపాయలు మాత్రమే . ఆయుర్వేద మూలికా రహస్యాలు గ్రంథం 384 పేజీలు ఉంటుంది . విలువ 450 రూపాయలు . కొరియర్ చార్జి 50 రూపాయలు అదనం .పుస్తకములు ఎక్కువ కాలం మన్నిక కొరకు కుట్టించి ఇవ్వడం మరియు అత్యంత నాణ్యమైన తెల్లటి 80GSM పేపరుతో ఉంటాయి.

ఈ రెండు గ్రంథాలు కావలసినవారు డైరెక్టుగా 9885030034 నెంబర్ కి ఫోన్ చేయగలరు. కామెంట్లు , మెస్సేజెస్ సమాధానము ఇవ్వబడదు. కాల్ చేయగలరు .

కాళహస్తి వేంకటేశ్వరరావు
9885030034
అనువంశిక ఆయుర్వేద వైద్యులు