భావించి చూడరే పడాతులాల అన్నమయ్య కీర్తన

భావించి చూడరే పడాతులాల
చేవదేరి మహిమలు చెలగినట్టుండెను

పరమపురుషునికి పచ్చకప్పురముకాపు
తిరుమేన నమరెను తెల్లనికాంతి
ధరలో పాలజలధి తచ్చేటివేళను
మురిపెమై తుంపురులు ముంచినయట్టుండ్ను

తవిలి యీదేవునికి తట్టుపుణుగుకాపు
నవమై మేన నమరె నల్లనికాంతి
తివిరి గోవర్ధనమెత్తినాడు నిందుకొని
ధ్రువమై మేఘకాంతులు తొలకినట్టుందెను

శ్రీవేంకటేశునికి సింగారించిన సొమ్ములు
భావించ మేన నమరే బంగారుకాంతి
తావుగా నలమేల్మంగ తనవుర మెక్కగాను
వేవేలుసంపదలెల్లా వెలసినట్టుండెను