జ్వరాన్ని పోగెట్టే ఆయుర్వేద మార్గాలు

34.200.222.93
జ్వరాలను హరించు ఔషధయోగాలు  - 
 
 *  ఆల్ బకరా పండు బుగ్గన పెట్టుకుని రసము మింగుచున్న జ్వరము హరించును . 
 
 *  రేగుచెట్టు వేఱు కషాయం జ్వరాన్ని హరించును . 
 
 *  సొంపు తేలిక ( పలుచటి ) కషాయం జ్వరాన్ని హరించును . ఒక ఔన్స్ మోతాదులో కషాయం తీసుకోవలెను . 
 
 *  వాము , ధనియాలు , జీలకర్ర సమాన భాగాలుగా తీసుకుని వేయించి కషాయం కాచి సేవించిన జ్వరము తగ్గును. అజీర్తి నశించును. 
 
 *  సీతాఫలం చెట్టు బెరడు కషాయం తాగిన జ్వరం తగ్గును. 
 
 *  బోడసరం చెట్టు సమూల రసం లోపలికి తీసుకొనుచున్న జ్వరము తగ్గును. 
 
 *  మిరియాల చూర్ణం తేనెతో సేవించుచున్న జ్వరము హరించును . 
 
 *  అడ్డసరం ఆకుల రసము సేవించిన జ్వరము తగ్గును. 
 
 *  పిప్పళ్ల చూర్ణం తేనెతో సేవించుచున్న జ్వరం , దగ్గు తగ్గును. 
 
 *  లేత కొబ్బరి బొండం నీరు జ్వరాన్ని తగ్గించును . 
 
 *  మెంతుల కషాయం పావు కప్పు మోతాదుగా తాగిన జ్వర తీవ్రత తగ్గును. 
 
 *  ఉశిరికాయల కషాయం అరకప్పు మోతాదులో తాగుచున్న జ్వరము త్వరగా తగ్గును. 
 
 *  సరస్వతి ఆకుచూర్ణం పావుచెంచా మోతాదులో గాని సరస్వతి ఆకు రసం మూడు చెంచాలుగా గాని తీసుకొనుచున్న  జ్వరాలు త్వరగా తగ్గును. మోదుగ ఆకుల రసం రెండు చెంచాల మోతాదులో తీసుకున్నా పనిచేస్తుంది . 
 
 *  ఒక కప్పు పాలలో ఒక వెల్లుల్లి పాయలోని సగం రేకులు వేసి మరిగించి వాటిని తీసివేసి ఆ పాలను తాగిన జ్వరం త్వరగా తగ్గును. కుంకుమపువ్వు చింతగింజ అంత మోతాదులో తీసుకున్నను జ్వరం తగ్గును. 
 
 *  దువ్వెన చెట్టు ఆకుల కషాయం పావుకప్పు మోతాదులో తాగుచున్న జ్వరం తగ్గును. 
 
          పైన చెప్పిన యోగాలు ఒకసారి వాడితే చాలదు. జ్వరం తగ్గేంతవరకు వాడవలెను . 
 
 జ్వర నివారణలో నా అనుభవ యోగాలు  - 
 
 
 *  300ml గోరువెచ్చటి నీటిలో 6 నిమ్మకాయల రసం , 4 స్పూనుల పటిక పంచదార ( మిస్త్రీ ) వేసి బాగా కలిపి రోజుమొత్తం మీద కొంచం కొంచం మోతాదులో తీసుకొనుచుండిన జ్వరం వెంటనే నయం అగును. 
 
 *  వేపచెక్క బెరడు బెత్తెడు ముక్క తీసుకుని ఒక గ్లాసున్నర  నీటిలో వేసి గ్లాసు వచ్చేంత వరకు మరిగించి వడకట్టి ఒక మోతాదుగా తాగించి 5 దుప్పట్లతో శరీరం మొత్తం కప్పవలెను. కొంతసేపటికి లోపల చెమట పట్టి జ్వరం దిగును . ఇలా మూడుపూటలా , 3 రోజుల పాటు చేసిన ఎంతటి తీవ్ర జ్వరం అయినను తగ్గును. 
 
          జ్వరంతో భాదపడువారికి తేలికైన ఆహారం ఇవ్వవలెను . ఇప్పుడు మీకు జ్వరము నందు తీసుకోవలసిన ఆహారాల గురించి మీకు వివరిస్తాను . 
 
 
  తీసుకోవలసిన ఆహారాలు  - 
 
    జ్వరం తగ్గేవరకు బార్లీ గింజల జావ దానిలో గ్లూకోజ్ గాని పటికపంచదార కలిపి ఇవ్వవలెను. జ్వరం తగ్గిన తరువాత బార్లీజావలో ఆవుపాలు , పంచదార కలిపి గోధుమనూక గాని , బియ్యమునూక గాని వేసి పలుచని జావ గాని ఇవ్వవచ్చు.  
 
      పాతబియ్యపు అన్నం , పాతబియ్యం వేయించి వార్చిన అన్నం , పొట్లకాయ , బీరకాయ , పొట్టికాకర కాయ , నక్కదోసకాయ , వేపపువ్వు , చిర్రికూర , పెరుగుతోటకూర , కొయ్యతోటకూర , పొన్నగంటికూర , కరివేపాకు , లేతముల్లంగి , చక్రవర్తికూర , చెంచలి కూర , కందిపప్పు , పెసరపప్పు , మైసూర్ పప్పు , ఉలవలు , లేత మేక మాంసం , నేతిలో వేయించిన మాంసం , పాత చింతకాయ పచ్చడి , పాత నిమ్మకాయ , పుల్లదబ్బకాయ పచ్చళ్లు , కొత్తిమీర , పుదీనా పచ్చళ్లు , పచ్చిద్రాక్ష , పుల్ల దానిమ్మ , తియ్యటి దానిమ్మ , ఆల్ బకరా పండ్లు , బత్తాయి , నారింజ , ఆపిల్ , సపోటా మొదలగు పండ్లు తీసుకోవచ్చు . విషజ్వరాలుకు ఉపవాసం చేయడం చాలా మంచిది . జ్వరం పూర్తిగా తగ్గాక వేడినీటిస్నానం చేయవలెను . తలస్నానం చేయరాదు . 
 
 
                   
 
  గమనిక  -
 
           నాచే రచించబడిన "ఆయుర్వేద మూలికా రహస్యాలు " , " ప్రాచీన ఆయుర్వేద రహస్యాలు "  అను ఈ రెండు గ్రంథముల యందు అత్యంత రహస్యమైన సులభముగా ఇంటి యందు , చుట్టుపక్కల దొరికే మూలికలతోనే పెద్దపెద్ద రోగాలను నయం చేసుకొనే విధముగా అనేక వైద్య యోగాలను ఇచ్చాను. ఈ గ్రంథాలలో ఇచ్చినటువంటి యోగాలు అన్నియు గత 250 సంవత్సరాల నుంచి వంశపారంపర్యముగా మాకు వస్తున్న రహస్యయోగాలు పరోపకారార్థం దాచుకోకుండా ప్రచురించాను.
 
           మన చుట్టుపక్కల ఉండే మొక్కలను సులభముగా గుర్తించుటకు రంగుల బొమ్మలతో మొక్కల చిత్రపటాలు ఇవ్వడం జరిగింది.
 
            రైతులకు ఉపయోగపడేవిధముగా చెట్లను , భూమిని బట్టి , రాళ్లని బట్టి భూమి యందు జలమును కనుగొను విధానం , ముహూర్తాలను అనుసరించి ఏయే సమయాలలో పంటలు వేయాలి . ఆయుర్వేద మూలికల సహాయముతో పురుగు మందులు వాడకుండా అత్యంత ఎక్కువ దిగుబడులు సాధించే రహస్య వృక్షయుర్వేద యోగాలు , పశువులకు సంబంధించిన వైద్య యోగాలు కూడా ఇవ్వడం జరిగింది . ఈ గ్రంథాలలో ఇచ్చిన యోగాలు ఉపయోగించటం వలన ఎటువంటి వ్యతిరేక ఫలితాలు రావు.
 
      ప్రాచీన ఆయుర్వేద రహస్యాలు గ్రంథం 288 పేజీలు ఉంటుంది . విలువ 350 రూపాయలు మాత్రమే . ఆయుర్వేద మూలికా రహస్యాలు గ్రంథం 384 పేజీలు ఉంటుంది . విలువ 450 రూపాయలు . కొరియర్ చార్జి 50 రూపాయలు అదనం .పుస్తకములు ఎక్కువ కాలం మన్నిక కొరకు కుట్టించి ఇవ్వడం మరియు అత్యంత నాణ్యమైన తెల్లటి 80GSM పేపరుతో ఉంటాయి.
 
            ఈ రెండు గ్రంథాలు కావలసినవారు డైరెక్టుగా 9885030034 నెంబర్ కి ఫోన్ చేయగలరు. కామెంట్లు , మెస్సేజెస్ సమాధానము ఇవ్వబడదు. కాల్ చేయగలరు .
 
                  కాళహస్తి వేంకటేశ్వరరావు 
 
                         9885030034 
 
               అనువంశిక ఆయుర్వేద వైద్యులు
 
 

Quote of the day

What is Art? It is the response of man's creative soul to the call of the Real.…

__________Rabindranath Tagore