భావమెరిగిన నల్ల(బల్లి చెన్నుడా 
నావద్దనే వుండుమీ నల్ల(బల్లి చెన్నుడా  

వేసరక నీవు నాతో వేమారు జేసినట్టి 
బాసలు నమ్మితి నల్ల(బల్లి చెన్నుడా
వాసికి వన్నెకు నీకు వలచి చొక్కితి నేను 
నా సూటికే మన్నించు నల్ల(బల్లి చెన్నుడా  

క్రియ గూడ నేను నీ కేలువట్టి పెండ్లాడితి  
బయలీదించకు నల్ల(బల్లి చెన్నుడా
ప్రియములు రెట్టింప బెనగితి నిందాకా 
నయములు చూపుమీ నల్ల(బల్లి చెన్నుడా  

యెనసితి విటు నన్ను నియ్యకోలు సేసుకొని 
పనుపడె రతి నల్ల(బల్లి చెన్నుడా 
ఘన శ్రీవేంకటాద్రిపై కందువ నేలుకొంటివి 
నను నిందరిలోపల నల్ల(బల్లి చెన్నుడా