శ్రీ సూర్యాష్టోత్తర శతనామస్తోత్రమ్
॥ శ్రీ సూర్యాష్టోత్తర శతనామస్తోత్రమ్ ॥
సూర్య బీజ మన్త్ర - ఓం హ్రాఁ హ్రీం హ్రౌం సః సూర్యాయ నమః ॥
అరుణాయ శరణ్యాయ కరుణారససిన్ధవే ।
అసమానబలాయాఽర్తరక్షకాయ నమో నమః ॥1 ॥
ఆదిత్యాయాఽదిభూతాయ అఖిలాగమవేదినే ।
అచ్యుతాయాఽఖిలజ్ఞాయ అనన్తాయ నమో నమః ॥ 2 ॥
ఇనాయ విశ్వరూపాయ ఇజ్యాయైన్ద్రాయ భానవే ।
ఇన్దిరామన్దిరాప్తాయ వన్దనీయాయ తే నమః ॥ 3 ॥
ఈశాయ సుప్రసన్నాయ సుశీలాయ సువర్చసే ।
వసుప్రదాయ వసవే వాసుదేవాయ తే నమః ॥ 4 ॥
ఉజ్జ్వలాయోగ్రరూపాయ ఊర్ధ్వగాయ వివస్వతే ।
ఉద్యత్కిరణజాలాయ హృషీకేశాయ తే నమః ॥ 5 ॥
ఊర్జస్వలాయ వీరాయ నిర్జరాయ జయాయ చ ।
ఊరుద్వయాభావరూపయుక్తసారథయే నమః ॥ 6 ॥
ఋషివన్ద్యాయ రుగ్ఘన్త్రే ఋక్షచక్రచరాయ చ ।
ఋజుస్వభావచిత్తాయ నిత్యస్తుత్యాయ తే నమః ॥ 7 ॥
ఋకారమాతృకావర్ణరూపాయోజ్జ్వలతే
ఋక్షాధినాథమిత్రాయ పుష్కరాక్షాయ తే నమః ॥ 8 ॥
లుప్తదన్తాయ శాన్తాయ కాన్తిదాయ ఘనాయ చ ।
కనత్కనకభూషాయ ఖద్యోతాయ తే నమః ॥ 9 ॥
లూనితాఖిలదైత్యాయ సత్యానన్దస్వరూపిణే ।
అపవర్గప్రదాయాఽర్తశరణ్యాయ నమో నమః ॥ 10 ॥
ఏకాకినే భగవతే సృష్టిస్థిత్యన్తకారిణే ।
గుణాత్మనే ఘృణిభృతే బృహతే బ్రహ్మణే నమః ॥ 11 ॥
ఐశ్వర్యదాయ శర్వాయ హరిదశ్వాయ శౌరయే ।
దశదిక్సమ్ప్రకాశాయ భక్తవశ్యాయ తే నమః ॥ 12 ॥
ఓజస్కరాయ జయినే జగదానన్దహేతవే ।
జన్మమృత్యుజరావ్యాధివర్జితాయ నమో నమః ॥ 13 ॥
ఓఉన్నత్యపదసఞ్చారరథస్థాయాత్మరూ
కమనీయకరాయాఽబ్జవల్లభాయ నమో నమః ॥ 14 ॥
అన్తర్బహిఃప్రకాశాయ అచిన్త్యాయాఽత్మరూపిణే ।
అచ్యుతాయ సురేషాయ పరస్మైజ్యోతిషే నమః ॥ 15 ॥
అహస్కరాయ రవయే హరయే పరమాత్మనే ।
తరుణాయ వరేణ్యాయ గ్రహాణామ్పతయే నమః ॥ 16 ॥
ఓం నమో భాస్కరాయాఽదిమధ్యాన్తరహితాయ చ ।
సౌఖ్యప్రదాయ సకలజగతామ్పతయే నమః ॥ 17 ॥
నమః సూర్యాయ కవయే నమో నారాయణాయ చ ।
నమో నమః పరేశాయ తేజోరూపాయ తే నమః ॥ 18 ॥
ఓం శ్రీం హిరణ్యగర్భాయ ఓం హ్రీం సమ్పత్కరాయ చ ।
ఓం ఐం ఇష్టార్థదాయాఽనుప్రసన్నాయ నమో నమః ॥ 19 ॥
శ్రీమతే శ్రేయసే భక్తకోటిసౌఖ్యప్రదాయినే ।
నిఖిలాగమవేద్యాయ నిత్యానన్దాయ తే నమః ॥ 20 ॥
యో మానవః సన్తతమర్కమర్చయన్పఠేత్ప్రభాతే విమలేన చేతసా ।
ఇమాన్ నామాని చ తస్య పుణ్యమాయుర్ధనం ధాన్యముపైత్తి నిత్యమ్ ॥ 21 ॥
ఇమం స్తవం దేవవరస్య కీర్తయేచ్ఛ్రుణోతి యోఽయం సుమనాః సమాహితః ।
స ముచ్యతే శోకదవాగ్నిసాగరాల్లభేత సర్వం మనసో యథేప్సితమ్ ॥
ఇతి శ్రీమదథర్వణరహస్యే సూర్యాష్టోత్తరశతనామస్తోత్రం సమ్పూర్ణమ్ ।
