శ్రీ దేవీ షట్కం
శ్రీ దేవీ షట్కం
॥ శ్రీదేవీషట్కం అథవా మాతఙ్గీషట్కమ్ ॥
శ్రీగణేశాయ నమః ।
అమ్బ శశిబిమ్బవదనే కమ్బుగ్రీవే కఠోరకుచకుమ్భే ।
అమ్బరసమానమధ్యే శమ్బరరిపువైరిదేవి మాం పాహి ॥ ౧॥
కున్దముకులాగ్రదన్తాం కుఙ్కుమపఙ్కేన లిప్తకుచభారాం ।
ఆనీలనీలదేహామమ్బామఖిలాణ్డనాయకీం వన్దే ॥ ౨॥
సరిగమపధనిసతాన్తాం వీణాసఙ్క్రాన్తచారుహస్తాం తామ్ ।
శాన్తాం మృదులస్వాన్తాం కుచభరతాన్తాం నమామి శివకాన్తాం ॥ ౩॥
అరటతటఘటికజూటీతాడితతాలీకపాలతా
వీణావాదనవేలాకమ్పితశిరసం నమామి మాతఙ్గీమ్ ॥ ౪॥
వీణారసానుషఙ్గం వికచమదామోదమాధురీభృఙ్గమ్ ।
కరుణాపూరితరఙ్గం కలయే మాతఙ్గకన్యకాపాఙ్గమ్ ॥ ౫॥
దయమానదీర్ఘనయనాం దేశికరూపేణ దర్శితాభ్యుదయామ్ ।
వామకుచనిహితవీణాం వరదాం సఙ్గీత మాతృకాం వన్దే ॥ ౬॥
మాణిక్యవీణా ముపలాలయన్తీం మదాలసాం మఞ్జులవాగ్విలాసామ్ ।
మహేన్ద్రనీలద్యుతికోమలాఙ్గీం మాతఙ్గకన్యాం మనసా స్మరామి ॥ ౭॥
॥ ఇతి శ్రీకాలికాపురాణే దేవీషట్కం అథవా మాతఙ్గీషట్కం సమాప్తమ్ ॥
