ఎన్నడు తీరవు ఈపనులు అన్నమయ్య కీర్తన

ఎన్నడు తీరవు ఈపనులు
పన్నిన నీమాయ బహుళంబాయె

పెక్కుమతంబుల పెద్దలునడచిరి
ఒక్కసమ్మతై ఒడబడరు
పెక్కుదేవతలు పేరు ఆడెదరు
తక్కక ఘనులము తామేఅనుచు

పలికెడి చదువులు బహుమార్గంబులు
కలసి ఏకవాక్యత కాదు
చలవాదంబులు జనులు మానరు
పలు తర్కంబులె పచరించేరు

శరణాగతులకు శ్రీవేంకటేశ్వర
తిరముగ నీవే తీర్చితివీ
పరమవైష్ణవులు పట్టిరివ్రతము
ఇరవుగ నాచార్యులెరుగుదురూ